妹仔大過主人婆，自詡廉潔服務香港三十六年，無一間樓揸手，戲稱以積蓄只夠買入一個新界樓盤的林鄭，N顧草廬搵到肯入廚房開鑊拍住上煮重反對派米（百忙中竟然記得已經正在研究姚松炎的參選資格）的好姐妹潘鄭，點知潘鄭是樓后，持貨僅比張建宗司長少些。香港人不吃不喝19年才上到車，潘鄭密食當三番，入市非常爽手，而且幾忙都好，都會買！買！買！叫老公代表簽契，這一個淺水灣豪宅，光是慳稅就六百多萬。這個數字，普通話畢業試肥佬的浸大學生爆粗都係咁話，除非有個有銀鄰居做老公，唔係點上車！潘鄭吼豪宅入貨，林鄭無從過問，三司裏面，一個樓王，一個樓后，另一位卸膊俾老婆，算是半個新界囤地王與劏房王。林鄭這個無殼特首這才發現，身在N層樓的高牆與地庫中，只有Miffy公仔肯對佢講人話，無跣佢！
林鄭一叫潘鄭埋枱，未開爐後者就重手篤了個炸彈入洞！這個洞啊，是政治危機中的shithole！累林鄭硬輸一局。誰也不會傻逼到奢望政府官員白過白紙的今天，shithole愈挖愈深，面積肯定唔止500×2平方呎！