禮拜日（28日）田草十場賽事用B跑道。睇番最近11月19日同一移欄八場草地賽事，後追馬絕對唔蝕底，過半數頭馬從中後位置衝上勝出，其中「奮鬥雄心」及「爭分奪秒」更加單憑一條直路由尾叠後上反先對手贏馬，所以靠後勁食糊馬不妨優先留意。
今戰列陣馬中，第八場「四季旺」前仗正是於11月19日田草B欄擒下「喜蓮獎星」及「美麗傳承」勝出馬會一哩錦標，今次重返強項，可望報卻上仗在香港一哩錦標一敗之仇。
另外，第四場「銘記心中」季內三捷大爆發，堪稱羅富全從練招牌馬之一，本身兩次跑田草B欄非冠即亞，亦係全場唯一贏過此移欄之參戰馬。
此駒今次配上賴維銘，人馬過往曾經合作參賽，憑藉本身較佳的場地性能，有力取得今季第四Win。