泛民初選結果爭議相對最少嘅新界東選區，噚日又多兩人報名參選，包括以獨立本土派名義參選嘅社區網絡聯盟發言人劉頴匡，今年24歲嘅佢相信係新東最年輕參選人。劉噚日話希望提醒選民今次補選係因為梁天琦、梁頌恆被DQ先出現，所以應由最受打壓的人出選。劉又話為免遭打壓，佢已簽署咗確認書，強調有信心入閘喎。
另一報名循新東參選嘅，係自稱受上帝感動而參選嘅性傾向條例家校關注組成員趙佩玉。趙佩玉形容自己無錢、無名份同無政黨支持，全靠向主耶穌禱告，令佢成功籌得5萬元嘅選舉按金，更得到逾200個提名，包括有聾啞姊妹簽名支持她，所以她成功當選的話會在議會為殘疾人士發聲，強調自己有信心、一切順利及一切榮耀都要感謝主耶穌喎。