澳職粉絲今個星期夠開心，一星期內有六個比賽日，睇波睇得開心，但就考起了各隊主帥的輪換能力，快車賽程就自然會出現及面對球員傷病及停賽問題，加上U23亞洲盃亦展開，各隊閒閒地都不見幾位主力，投注時要加多留意。幸好，有些球會還有資源，懂得利用一月的轉會窗引入適合新兵，成績見好。紐卡素噴射機有「柏圖仔」柏迪斯奧洛迪古斯地標戰取得入球，單刀處理得好，誇張點講靠他贏一個上盤亦不為過。奧當路雲養傷期間，洛迪古斯及納博特可成為噴射機的入球信心保證，亦可留意他們「首名入球」的選擇。
墨爾本城放棄了卡希爾，經過一輪撥亂反正，主帥祖斯起用年輕球員擔正，丹尼爾阿辛尼表現眼前一亮，當地球迷熱烈追捧。地標戰博到罰球及12碼，造就羅斯麥哥馬克梅開二度，中場線活力增，對爭取更高排名幫助亦大。另外，西流在一邊解僱主力同時簽入卡魯斯卡，配合保尼華斯亞的雙核心，仍是有一定期待。
今周最值得投注的比賽仍選噴射機主場鬥獅吼，噴射機仍然穩佔今季澳職主場盤王位置，「讓球主客和」及「讓球」都是五贏一和兩輸，而且今季主場八戰都是場場有入球。獅吼飽受傷病困擾，天氣熱，開快車正是球隊致命傷。迪奧列托斯、哥利加美路等主力仍未趕得及上陣，即使近兩場作客都贏，但對手只是更加失準的阿聯及西流，噴射機「主客和」主勝屬信心之選，兩軍有一定入球量，敲「半場入球」「大」亦值博，納博特及柏迪斯奧洛迪古斯會是「首名入球」之選。
全新亞洲波專頁《阿周足球》經已開通，將會聯乘《體蘋果》推出走地澳職推介，希望各讀者多多支持及與我們即時互動！
立民
澳職專家