話咁快2018年伊始，港人迎接新一年有咩新年願望？有商場訪問逾520名港人，今年頭三大新年願望係身體健康（22%）、家人開開心心（14%）同學業進步（10%）。而最希望今年香港社會經濟繁榮（24%）、改善民生問題（17%）同政府多聽市民意見（17%），最多人想同娥特講嘅係加強經濟發展。不過，逾50%港人預計今年香港整體發展同去年差唔多。
調查仲有逾70%港人話過去一年生活快樂。香港傑出勇士繆旭峰嘅新年願望就係「希望香港能成為最快樂的城市」，佢話：「近年香港政治環境同社會氣氛的確係唔開心，年輕人生活唔快樂，可能20幾歲都搵唔到理想工作」，期望香港新一年有更多包容，互相體諒多一啲，大家讓多一步。唔知娥特新一年可唔可以將競選時所講修補社會撕裂嘅「希望」成真呢？