成立於1868年5月嘅消防處，今年踏入150周年，相信好多人都想睇返百幾年前消防處嘅歷史。消防處公佈今年將會舉行連串大型慶祝活動，當中包括今年11月喺消防及救護教育中心暨博物館舉行消防處歷史展覽，供市民參觀。
除咗150年歷史展覽，消防處又會喺5月推出150周年紀念郵票同相冊，紀念消防處150年嘅發展同變遷，仲會喺8月舉行消防及救護學院開放日，詳情稍後公佈，但肯定嘅係消防處會喺5月9日成立正日舉行150周年大會操，以及周年晚宴同家庭同樂日，等消防處屬員參與同見證呢個重要歷史時刻。
消防處特別製作咗一段宣傳影片，簡述150年轉變（ https://youtu.be/Iu27m8-5Ky0），同市民一齊緬懷。