冬天就到，醫護人員為咗鼓勵市民打流感針，可以話係出盡法寶。好似港島西醫院聯網總監陸志聰咁，親自獻聲演唱改編自《上海灘》嘅《一針的溫馨》，歌詞提到一旦感染流感「又會咳，又有痰，又會發燒骨痛氣都喘」，提醒大家千祈唔好輕視，係時候打番支針，咁就「面對冬天挑戰未曾怕」喇！
唱得之人除咗陸志聰，仲有港島西聯網感染控制主任鄭智聰、瑪麗醫院感染控制組高級護理主任黃淑貞、病房經理邱家賢，同東華三院長者無伴奏樂隊「Upbeat」。港大微生物學系講座教授袁國勇雖然無一齊唱，但就有佢打針嘅相，「做個好榜樣」吖嘛。呢首《一針的珉馨》由鄭智聰、黃淑貞同瑪麗醫院內科顧問醫生胡裕初填詞，噚晚喺YouTube有得睇喇。