特區政府起咗個啟德郵輪碼頭出嚟，但一直使用率唔高，所以好想推廣香港成為地區郵輪旅遊中心，噚日就有一首豪華郵輪「世界夢號」（圖）喺香港舉行首航和命名儀式，亦係第一艘在港命名嘅郵輪，呢隻豪華郵輪有18層甲板、1,686間客房，超過七成有露台，可容納逾3,400名旅客。
有新郵輪喺香港首航同命名，政府自然要支持，商務及經濟發展局局長邱騰華就出席喺啟德郵輪碼頭舉行嘅世界夢號首航典禮暨命名儀式。
佢之後同傳媒講，政府預計今年會有190艘郵輪停泊係啟德郵輪碼頭，全年有超過250艘郵輪嚟香港，希望可以帶動區內旅遊業，做到政府推廣以香港作為中心點嘅「一程多站」式旅遊模式。