白鴿黨前主席卿姐劉慧卿早前喺以色列搭國泰航機回港，其間國泰突然取消航班又冇交代，令好多旅客滯留機場，搞到卿姐唔知幾時先返到香港後，激到卿姐喺facebook上載dislike手勢抗議後，卿姐最終都等到航機返香港，仲收到來自國泰經理的道歉信。
經理道歉 派人接機
國泰經理喺信中向卿姐解釋，當日突然取消航班，係因為遇到技術問題，維修時間比預期中長，為確保乘客同航機人員安全，惟有安排乘客改坐其他航班。國泰為咗補鑊，除咗派出員工喺卿姐抵港時，立即同卿姐會面提供協助，亦向卿姐送上一張價值150美元，即大約1,200港元的國泰禮券。國泰信中又話，至今仍然調查緊事件起因，話根據以色列航空服務法，卿姐可以申請賠償喎。