講起香港嘅成功女士，前政務司長陳方安生一定上榜，為官時堅守程序，退出官場後更曾經從政、不時為香港問題發聲，佢對香港嘅愛護，國際間亦睇得到。
近日佢獲頒美國O'Connor Justice Prize，呢個獎以退休嘅美國高等法院首位女性大法官Sandra Day O'Connor命名，每年得主都係「推動法治、公義、人權方面有非凡貢獻」嘅人。前三位得主包括前美國總統Jimmy Carter、前西班牙外長Ana Palacio，以及前聯合國人權事務高級專員Navanethem Pillay，陳太就係第四位，為港增光。
陳太話非常榮幸能獲獎，明年2月親赴美國鳳凰城領獎。咁啱明年1月中陳太78歲生日，可謂極珍貴嘅生日禮物咯！