無綫電視嘅靚女新聞主播，走吓一個又一個，最近陳嘉倩嘅離任更傷盡唔少宅男嘅心，估唔到呢位宅男女神，短短時間內又復出。原來離開大台後自我增值、攻讀碩士學位嘅嘉倩BB，同時進軍大氣電波，11月4日起加入港台第一台主持氣候及環境資訊節目《大氣候》，仲會喺特設新環節「嘉倩時刻」，親身介紹世界環保潮流大趨勢，推展全方位綠色生活。
點解會搵嘉倩BB加盟？節目監製兼主持胡世傑話，希望嘉倩BB可以將新聞報道嘅世界視野帶到節目，製作團隊知道她相當留意時下環保潮流，相信聽眾好想聽佢分享。節目宣傳片仲大玩經典「天氣報告」風格，嘉倩BB以天氣報道方式介紹節目，天氣先生仲登場贈興㖭！