香港體育學院同香港大學簽署「精英運動員學習計劃備忘錄」，落實合作，協助精英運動員喺學術同體育路上兩棲發展，如容許佢哋延長修讀年期，為佢哋靈活安排課程等。兩位港大劍擊靚女連翊希（Coco）同朱嘉望（Moonie）近日同樣轉任全職運動員，其中Coco話家人起初唔支持佢轉全職：「我花咗好耐時間說服佢哋，畢竟傳統觀念認為運動員同女性形象唔符合。」