全新旅遊專頁，即like籽想旅行：https://fb.me/travel.appleseed
自1967年第一代Century正式推出市場之後，一直都係以一種高貴氣派見稱嘅日本房車。設計上雖然都係比較死板，但係就同譚校長一樣，旗艦車型外觀深入民心，直至到今年10月，豐田正式發佈第三代Century，並將會係10月尾的東京車展中面世。當中最大嘅賣點，就一定係佢個副V8引擎。
第二代所採用嘅係極之大食嘅280匹，V12引擎。來到呢一代就用上Hybrid V8 5000cc引擎，馬力高達445匹，不過最吸引都莫過於17.5尺長，有成6尺咁闊，係真真正正嘅天皇級座駕，唯一就係坐椅依然係絨櫈，好似少左一份貴氣咁喎。不過日本人都係崇尚自己嘅汽車品牌，呢部車應該都會成為唔少公司董事嘅專用車之一。
撰文：影子