【文員姦劫鳳姐案】
【本報訊】欠債纍纍的男文員涉持刀打劫鳳姐，搶走手機及1,600元現金，並用膠索帶綁手、毛巾塞口強姦對方，被捕後辯稱付款與鳳姐玩強姦遊戲。案件昨日續審，辯方指出被告起初用毛巾綁鳳姐手，但因「綁唔實」，遂獲鳳姐同意改用床頭櫃的膠索帶綁手，並要求對方穿衣性交扮被強姦。鳳姐否認所指，但承認床頭櫃有膠索帶，解釋僅平日用來掛燈及裝飾品，當日沒拿出來給被告。
事主哭稱無溝通
洋名Gary的被告梁家威（36歲）否認去年12月1日在荃灣川龍街一劏房內強姦及搶劫女事主X（35歲）。辯方昨向X指，當日雙方本議好以1,600元玩強姦遊戲，被告謂「着晒衫做先似㗎嘛，除晒衫做又邊似」，X則主動問「用咩綁」。X昨否認，更激動哭稱：「佢有搞過我！但佢講嘅嘢全部都冇發生過，都冇溝通過，我就已經見到把刀！」
辯方續指，X性交途中突稱「有人」，之後被告說「算啦，唔做」，惟X即稱「唔做都要2,600蚊㗎！你唔畀就叫姊妹過嚟，話你強姦同打劫」。被告聞言取出1,000元放在床上，責罵X「黐線」後便離開，沒替X鬆綁。惟X否認。案件下周一續。
案件編號：HCCC185/17
■記者蘇曉欣