維港渡海泳自復辦以來，越嚟越多市民參加，立法會議員梁繼昌（Kenneth）噚日喺facebook貼咗張2004年游維港渡海泳嘅相，為乜佢舊相重貼？原來佢今年又參加維港渡海泳，而且仲有勞福局局長羅致光、環境局政助歐詠芷、同環保署副署長區偉光同佢一齊參加。
Kenneth喺2004年參加維港渡海泳，用咗約40分鐘時間完成全程，今次佢嘅目標係30分鐘內完成，都好有挑戰性，所以佢哋搵咗前港隊泳手李穎詩幫手練水。
Kenneth話感謝李穎詩咁幫手，佢又話維港啲水質係咪真係咁乾淨，到10月29號佢哋落去游嗰陣就知啦！