碧咸（David Beckham）同Victoria嘅大仔Brooklyn，上個月正式離開倫敦屋企，去到紐約升學，至今已經1個月，最近Victoria就訪就自爆仍然好掛住大仔，仲日日以淚洗面！
Victoria早前於直播節目中透露，自Brooklyn離家去紐約之後，佢就一直喊唔停，因為Brooklyn出世以嚟未試過離開屋企咁耐，非常之唔捨得：「佢9月去紐約讀大學之後，我就成日喊唔停，至今也都仲喊緊，真係好掛住佢。」
其實上月當Brooklyn準備離開時，Victoria都有貼出同大仔嘅合照，相中仲眼濕濕，又話好愛佢同好掛住佢，非常唔捨得。