練馬師文家良今季暫未贏馬，但今次（13日）強陣出擊，當中「電子群英」、「翡翠福星」、「翡翠劇院」等駒都有不俗狀態。
出戰第六場三班1650米的「翡翠福星」上季跑六次同程未失過獎金，前仗更以超快時間輕鬆贏馬捧盃，賽前大閘按韁而回，做足準備工夫，惟潘頓揀騎「文藝學家」。
無辦法潘頓只得一個，上季問題馬「文藝學家」賽前都由他主試兩課大閘，從後上前，並無搶口，高伯新安排兩課大閘此舉動亦比較少見，路程準繩，高度留意。
試閘開心馬「神舟小子」，最近濕泥閘展步有力，姿態活潑開心，現時落腳較慢，1650米要留意。
起尾注第八場二班1650米，形勢相當複雜，但都有兩匹試閘蠱惑馬，分別是「包裝騎士」及「慣勝聆聽」，兩匹都是報名出賽後安排試閘。
結果試閘都是全程居中後位，「包裝騎士」叫做直路嘗試望空而上，用潘明輝排1檔，級數仍高，至於「慣勝聆聽」是一路進步的馬匹，由潘頓試閘後再有最後試跑，馬頸有力。
另外，「勝利名星」上周三（6日）短途快放落敗當開氣，上季亦曾於同程上名，熱身後轉路程可留意。
「川河寶駒」上季尾轉苗廐於沙田試馬仍輸近，今次返首本路程，加埋雷神肯騎的「嘉應之友」，都是配腳。