中國泳手孫楊喺周一晚代表蘇州大學，出戰第13屆全國大學生運動會男子400米自由式決賽，超晒班嘅佢最終以3分43秒76嘅成績輕鬆奪冠。孫楊嘅成績仲破咗大會紀錄，認真威威！賽後孫楊亦都好謙虛，只係話希望藉此推廣游水，從而令更多人愛上游水。其實孫楊今年嘅狀態係幾好，佢七月就成功喺世界游泳錦標賽成功一吐烏氣，打敗咗死敵澳洲泳手賀頓。