巴塞隆拿前鋒美斯一向都鍾意紋身，佢今個夏天又喺身上面加多咗個「愛的紋身」，仲要係同佢老婆有關嘅！話說美斯上個禮拜六喺巴塞大炒愛斯賓奴5:0場波大演帽子戲法，佢賽後喺自己Facebook影相騷肌賀贏波嘅時候，就俾人發現喺腰部位置多咗一個「唇印」（小圖）。原來呢個唇印嘅主人就係美斯老婆Antonio嘅。美斯後尾就搵師傅將個「唇印」紋喺自己身上，兩公婆真係煙韌到呢！