中環摩天輪點收科？各界表態：
梁詩姑：跟西九無一地兩檢一樣道理，炸咗佢！
777：拆？匪夷所思啊。梁先生一家三口在摩天輪拍過照，我唔想東施效顰。但係，不排除將來會約埋班司局長上摩天輪，做酸齋燒腩續集，selfie呃like。
石大狀：拆鬼咗佢！求仁得仁！
楊法官：近來太多一股歪風，好unhealthy，班年輕人又試被有識之士煽動去重奪，肯定好暴力。所以必須圍封摩天輪，落閘！
廿蚊張：摩天輪門票由一百蚊降價到廿蚊張，咁益人，唔通係有祖國撐？咁就無執輸，撐廿蚊！我幫佢計埋明年加價幅度，跟最低工資一樣，加五毛！
西環張小明：個摩天輪叫價千五萬，平過我的墨寶！喔，不，不，不，我不是李剛第二，請各位名人富商忘記我的題字，別舉報。我請大家上摩天輪，轉轉運，wheel of fortune，恭喜發財！
土委會：摩天輪坐擁無敵海景，雖然細，但每卡轉型發展成納米樓，幫年輕人上樓有難度，扶佢地上天，超創新，有得諗！（賣地迫遷時怎麼辦？依新界東北案例，唔肯遷出，送去赤柱踎監！）