【本報訊】一場風災，沖毀兩代心血。陳德培與太太在重災區十月初五街經營家族藥材行，每逢7、8月都提心吊膽，擔心洪水湧入。陳太斥，過去40年政府無根治排洪問題，亦無興建防水牆。今次天鴿水浸逾兩米高，貨物損失無數，更心痛是鄰店米舖有兩人浸死。他們指，平安已很開心，風災後考慮提早退休。
「大全堂」中藥房屹立十月初五街40載，77歲東主陳德培是第二代經營。陳太指水浸是持續數十年的老問題，每逢初一、二天文大潮，特別擔心海水倒灌，「每一年7、8月，我哋呢度瞓唔着嘅，我喺度40年，每年喺天台望水（浸）」。
政府無視建防水牆訴求
陳太憶述1993年洪水水位高至胸口，但天鴿洪水更猛烈，「今次（水位）成兩米，又唔退水」。洪水湧至時，她正搬走貨物，「但我冇能力，搬到浮啦，我哋先放手，託賴識游兩步水，游上二樓」。結果兩夫婦和一隻貓等了數小時，洪水仍未退。
風災後店舖藥材大多浸壞，藥材箱浸水後亦發脹，二人考慮提早退休。她斥政府一直無回應居民訴求，「防水牆講咗好耐，一路冇落實」。
《蘋果》記者