【本報訊】本港現時有3,000萬張八達通卡，早年該公司稱希望將儲值額由現時999元調升至3,000元，不過因更換舊式讀卡機需時，現時未有進展。
八達通行政總裁張耀堂指，暫不會將實體卡餘額調高至3,000元，因現時消費過千元的人並不多，「平均我哋零售單額40元不夠，便利店都係10元8元，講得最多咪泊車，飲餐茶睇場戲後，就唔覺意要畀多幾百蚊泊車。」
舊式讀卡機更換需時
現時八達通有逾70,000個讀卡機，因舊機只能顯示四個數位，若將儲值額調升至3,000元須最少五個數位，張耀堂指新機能顯示更多數位，「但要花啲時間先換到舊機，現時主力推二維碼支付。」
現時八達通已佔公共交通九成，「紅van部份未有，的士就冇啦。」至於零售則尚未飽和，但他承認八達通開拓小店有困難，「裝咗八達通機，就要分啲交易費用，啲人會問點解要分錢畀你，但舖頭知道會快捷啲，覺得找贖麻煩，就會想畀啲錢，慳返啲工夫。」