53歲本港澳洲籍練馬師賀賢，於上月21日在家鄉墨爾本，迎娶29歲的2009年香港小姐亞軍（Germaine）李姿敏，這對新人之後去了美國渡蜜月，直至今晚(19日)於香港四季酒店補擺喜酒，宴請親友和馬圈人士。
上月墨爾本的婚禮，09年同屆港姐冠軍劉倩婷與季軍熊穎詩，為李姿敏擔任伴娘，今晚佢哋當然亦有出席，一齊分享喜悅。至於馬圈人士，就見到騎師史卓豐、柏寶、蘇狄雄、潘頓，練馬師就有蘇偉賢、方嘉柏、文家良等，以及大量馬主出席婚宴。
李姿敏說：「因為爹吔媽咪香港好多朋友，David因工作關係亦認識好多朋友客人，所以在香港補擺喜酒，同大家一齊慶祝，之前澳洲婚禮較小型得七八十人，今次大型一些。我們亦有簡單斟茶儀式，David當然第一次(斟茶給我父母)，他有跪在地上，做足禮節。」
問到會否生B時，李姿敏說：「有呀，我們其實都準備、試緊，因為大家都鍾意小朋友。我自己想先生仔，再生女，因為哥哥可以照顧妹妹。」但賀賢就話想保持神秘感，希望到出世一刻自己才知BB性別，令自己有一份「開獎」感覺。