【本報訊】一輛輕型貨車星期五早上11時許在紅磡佛光街附近「甩轆」，36歲姓朱婦人在危急關頭下，以身體保護身旁的兒子和BB車上的女嬰。讀者李先生當時駕駛的士停在紅綠燈位前等候轉燈，的士車Cam拍下事發經過，所見車轆飛脫後直撞向紅綠燈燈柱，交通燈組件四散飛濺，而車轆更在途人頭頂掠過，險象環生。
李先生憶述事發時他正載客前往火車站，的士停在現場交通燈位前，突然間他「見到有啲嘢飛埋嚟，到底係咩都未睇清楚，就聽到好大聲，交通燈炸開咗。」他形容：「爆得咁勁都幾得人驚，後嚟先知係飛轆，係第一次見到咁驚險嘅場面。」
遇事的朱婦當時在紅綠燈下，正拖着大仔，並推着載有細囡的BB車等候過路，她連忙以身體阻擋車轆，事後腰部、手臂及臉部受傷送院，經敷治後已出院。李先生認為事件中「好彩冇人命傷亡」，認為駕駛者有責任確保車輛的機件及性能正常，應不時進行檢查維修。