【本報訊】政府耗資3,500萬元籌備一連三日的電競音樂節，昨踏入第二日，適逢周末加上舉行演唱會，全日都人頭湧湧，但烈日當空下，設於室外的攤位儼如火爐，不少入場人士反映選址不夠妥當，認為夏季的大型活動應設於室內，「畀10蚊入嚟暴曬唔係幾值」；即使設有多部冷氣機及冷風機的兩個大型攤檔，亦被指「熱到好似冷氣壞咗咁」。
演唱會被指喧賓奪主
電競產品攤檔ZOTAC是其中一個設有3部冷氣機的攤檔，但入內亦感受不到冷氣。ZOTAC全球市場總監莊小姐指，全球大多數電競節都是室內，包括台灣設於小巨蛋的電競節，香港是少數設於室外，「香港起步比較遲，但起碼有起步，是有可以改進的地方」。
小型攤檔OC Computer總經理蘇先生亦指室外選址欠佳，營業額亦不理想，「電競節如果喺室內可以吸引多啲人，可能第一屆，佢哋需要多啲時間籌備」，他又指只有首尾兩日有賽事，昨日沒有賽事，只舉辦演唱會影響電競節的目的，「如果賽事平均分佈3日會更好」。
就讀大三的施小姐玩電腦遊戲約一年，她認為8月的大型活動設於室外是不妥當的安排，「政府都用咗咁多錢，都咁搞，唔係安排得幾好」。她認為以今次電競節的安排，不值得付費入場，「畀錢唔係重點，但如果我畀10蚊入嚟係咁樣曬，我去動漫節25蚊係室內場，有好多攤檔」，施小姐指場內攤檔數目太少，「一眼睇晒」，電競音樂節節目內容不夠豐富。
從事資訊科技的劉先生玩電腦遊戲約3年，認為政府耗資3,500萬籌備「唔值呢個價」，「我見都係得幾個攤檔……可能貴嘅地方睇唔到」。他指演唱會「搶咗」電競的吸引力，「見到攤檔都細，可能更會俾其他嘢搶咗主角，出嚟地鐵站已經見到妹妹仔喺度等韓星」。
■記者梁佩珊