Beats耳機向來都有其他廠商合作推出聯乘產品，今次就輪到同Line Friends合作，相信各位Line Friends粉絲都應估到主角肯定是熊大（Brown）！這款以Beats Solo3 Wireless耳機為藍本設計的特別版本耳機，設計上用上Hip Hop元素，如耳機機身及頭帶位置用上啞黑色底色加上金色點綴，而且在機面眾多熊大頭像當中，兩邊近耳機外殼上亦設有各有一個Hip Hop造型的熊大，觀眾相當唔錯！耳機加入Hip Hop元素，但特別版的耳機便攜袋就比較正路，用上一個繡上熊大頭像設計的毛絨袋，相信好多女粉絲都一定鍾意。
至於耳機本身功能都相當唔錯，內置Apple W1晶片，可方便接上iPhone聽歌；而且充電1次可聽足40小時，就算只快充5分鐘都可聽到3小時。「熊大」版Beats耳機8月3日就會推出，不過初期只限在Apple網上商店購買，要到8月17日先會將銷售點推廣至Line Friends零售商店，價錢方面都是$2,288。
資料來源：Beats
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily