閃光燈伴隨快門聲咔嚓不休，亮麗show girl每年都是動漫節焦點之一。短髮大眼的PS4女郎馬俊怡（Rose），近年在芸芸眾美中脫穎而出，成功走進電玩界，成為不少人心中的女神。喜歡打機的她坦言，參加動漫節有助提升知名度，亦接到更多遊戲類工作，形容鏡頭前是自己的舞台，面對「鹹濕佬」以特殊角度拍攝亦處之泰然：「一定係有敗類係咁樣嘅。」
「一定有敗類係咁」
自認是動漫迷的Rose，原來一直都無逛過動漫節，「見到話通宵排晒隊，怕人多」，至3年前因工作始第一次入場，「開頭以為係行書展咁樣，但原來好唔同，好多cosplayer喺度，好似你身處咗一個二次元世界咁」，笑言「進貢」購買動漫產品多年，終於見到真身，「見到班好熟悉角色，會覺得『你終於出返嚟見我啦』。」
去年Rose為PS4擔任show girl，負責介紹及示範遊戲產品。比起以往工作單純作為「花瓶」，她對電玩女郎的角色絕對是駕輕就熟，「因為我本身就係一個鍾意打機嘅人，對我嚟講係輕鬆嘅」。
Rose尤其享受被眾人簇擁，「我對鏡頭係敏感嘅，我唔介意有好多鏡頭對住我，呢個就好似係我嘅舞台咁」。
不過，面對各種「龍友」，總有人別有用心試圖拍攝走光或奇怪特寫相片，「一定係有敗類係咁樣嘅」，自信的語氣似絲毫不放在心上。
外貌出眾加上對答得體，Rose奪得去年show girl冠軍，知名度提升，亦因此獲得了不少遊戲類工作，累積不少電玩界粉絲。將興趣與工作結合，她形容是樂在其中，「每個人要搵到鍾意嘅嘢先可以生存到落去」，但問到事業與遊戲二擇其一時，她即不加思索脫口而出：「打機，鍾意打機多啲，我每日都要打機。」
今年動漫節兩大電玩品牌PlayStation及Xbox繼續推出優惠，但最吸睛依然是各自的一眾show girl。
PlayStation展區今年設在展場正門入口，Xbox則位於A01及A01a。
■記者佘錦洪