現時好多人都會玩航拍機影靚景，不過如果想拍水底風景，就要靠「機械魚」幫手。最近有公司就將一條外形肥嘟嘟的「機械魚」放上Kickstarter眾籌，一下子就達標，到底這條名為BIKI的「機械魚」有幾特別？
與類似產品相比，BIKI最特別是尾部用上仿魚鰭設計推動，雖然速度唔高，時速只有1.8公里，但外觀同游動姿勢都幾似一條真魚，混入魚群未必會被發覺，除影景外，釣魚時都用得着。「機械魚」最深可下潛到59米，再加上自動平衡功能，無論用手機App或遙控器操控都唔太困難。至於BIKI拍攝功能就同現時航拍機差不多，可用上150度廣角鏡頭拍攝4K影片，充電後可以拍到90至120分鐘。雖然集資已經達標，不過大家仍然可以在7月中前上Kickstarter以早鳥價599美元（約$4,670）支持一下，廠方話今年9月會派貨。
資料來源：Robosea
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily