九倉電訊被私募基金財團收購後，噚日終於公佈新名「滙港電訊」，不過行政總裁(CEO)馬惟善好似未習慣，記者會上三次錯口講咗「九倉」，好彩次次都識及時更正番。佢自嘲話，唔知仲會講錯幾多次，所以都冇刻意要求員工完全唔可以講錯公司名！
滙港電訊全面革新品牌，搵嚟香港跳高代表楊文蔚（Cecilia）做代言人，拍咗一輯電視廣告。馬惟善認為，Cecilia同公司一樣都係「90後」，好後生，又鍾意迎接挑戰。
新標誌保留原本嘅「紅色鴿」都有原因，希望客戶見到仲認得，馬惟善笑指，新鴿係「加多咗肌肉」，喻意更自由、更有動力。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk