曼聯隊長朗尼今季表現認真麻麻，好似歐霸盃決賽等大戰都冇份踢，佢口口聲聲話留隊，又話會提早兩星期歸隊操練，係人都知想博表現啦。雖然球隊唔留伊巴謙莫域啫，但紅魔鬼如果買得成艾華路莫拉達，「月巴」咪又係冇碇企。其實我求大俠就建議朗尼搵定工嘞，事關曼聯官方海報可能透露朗尼去留玄機，話說上個月第一次發佈，都仲有朗尼份，拍住保羅普巴、安達靴里拉同連格（上圖），不過到今個禮拜三曼聯update張新海報，就cut咗朗尼嘅大樣，得番其餘三個球員，以往朗尼都係曼聯賣波衫保證，31歲嘅佢話晒都係曼聯icon，如果連呢個工作都冇埋，真係留喺曼聯都冇咩意義。