沽空機構最近威威，上星期被「渾水」狙擊嘅「梳化股」敏華（1999）主席黃敏利噚日出嚟反駁指控，佢提到原來渾水狙擊敏華當日，一班管理層就去咗美國出差，問佢會唔會為等份完整報告，暫時唔出差住。
佢話，trip就真係唔會出，但並非因為驚咗渾水，而係要慶祝香港回歸20年。佢又講笑咁話，已經「紮定馬等」渾水報告出招，又話渾水「都痴線嘅！」，睇嚟佢都仲係好激氣。
今年52歲嘅黃敏利80年代就由內地來港，1992年創立敏華控股，睇嚟佢對香港感情幾深，先要專登留港慶祝回歸，問佢對新特首有乜期望，佢就話想新特首搞好啲經濟。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk