14架美食車近日組成香港美食車聯盟自救，噚日首度聚集中環海濱，參與香港龍舟嘉年華。美食車「七桌子×樺得園」負責人話，嘉年華可以帶動生意，希望政府可以舉辦更多同類活動，噚日開業兩小時已有約千元生意額，生意比喺海洋公園擺好得多，冇得比喎。
佢仲話聯盟日後都會舉辦嘉年華，𠵱家手頭上都有十幾個活動會參加，未來每個月有兩日參與唔同嘉年華或演唱會。對於早前有兩架美食車退出，佢話對方睇唔透箒，指自己截至4月收支平衡。新加入美食車計劃三周嘅Crunch Munch，負責人都話嘉年華生意比平日好，「團結就是力量，多啲唔同嘅車一齊，越多越好」。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk