夏日炎炎，有個叫「芒種」嘅慈善市集噚日起一連三日喺灣仔軒尼詩道嘅英皇集團中心舉行。市集負責人Winnie話，市集用廿四節氣中嘅「芒種」嚟命名，係因為芒種呢個節氣代表夏天開始，佢哋想市集可以畀到大家迎接初夏嘅感覺。
市集分攤檔區同慈善區，攤檔區手作首飾食品樣樣有齊，共合成80檔，行足全日都冇問題。慈善區就有義剪店同義賣活動兩部份。其中義賣活動係由不同藝人捐出自己嘅物品供善心人選購，但有邊個藝人捐出物品，Winnie就話要留番畀大家到場自己尋寶喇。Winnie又話，佢哋好欣賞深水埗明哥嘅「北河同行」，認為派飯可以令善款直達基層，所以決定將義賣收益扣除成本後全數捐畀佢哋。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk