香港佳士得2017年春季拍賣刷新手袋世界拍賣紀錄，愛馬仕（Hermès）一個鑽石Birkin袋成為全世界最貴嘅手袋，以破紀錄294萬港元（約37萬美元）成交（圖）。據佳士得拍賣簡介，呢款珍罕霧面白色尼羅鱷魚皮喜瑪拉雅30公分鑽石Birkin袋，附有18K白金及鑽石配件，估價為150至200萬港元。
佳士得呢次拍賣有250款手袋同配飾，包括採用蜥蜴皮、柔美粉色或配以鑽石配件嘅愛馬仕手袋，以及呢款鑽石Birkin袋等。Birkin手袋全人手縫製，每年限量供應，一直係名媛至愛。香港亦有唔少Hermès迷，例如大劉劉鑾雄，一家女眷都用Birkin、 Kelly手袋等，有指甘比有逾700個Hermès。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk