影片： http://bit.ly/2qtOpLN
將iPhone變成即影即有相機其實唔難，之前Prynt就曾推出過一款可以套落手機的即影即有手機殼，能將手機相即時印成2X3吋相片，確實幾好玩。不過問題係這款Prynt即影即有手機殼尺寸都有返咁上下，帶出街使用未算太方便，到近日Prynt終於發表第二代即影即有產品Prynt Pocket，身形明顯縮水，而且更可當成手機把手使用，影相時都會比較穩定。Prynt Pocket玩法同第一代手機殼好相似，都係用上ZINK技術印出2X3吋相片，並且可在即影即有相片中同時記錄到長達10秒鐘的影片資料，只要用上專用手機App對住相片就可睇片，夠晒神奇。不過廠方首先推出的是採用Lightning端子的iPhone版本，提供石墨、薄荷及灰色3種選擇，定價149.99美元（約$1,169），5月30日開始正式出貨，只要是iPhone 5以上版本就可一插即用。Android用家又有無得玩？廠方話會出Android版本，但幾時先出就無講，Android用家唯有繼續等。
資料來源：Petapixel
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily