張紋嘉（Crystal 左）同陳明恩噚日到灣仔，為何弘軒（Alan）新碟發佈會撐場打氣，Alan同時宣佈7月15日喺九展舉行音樂會，屆時會跳搞笑舞。殘爆嘅Crystal忙拍劇又要籌備稍後拍攝短片前期，佢話：「以前有團隊幫手，𠵱家乜都自己嚟自己安排，暫時未簽公司，希望物色到夾嘅經理人，自己想多啲喺電視喜劇路線發展。」