【母親節系列之以女為榮】
下周日便是母親節，49歲的新城前DJ路芙（原名：曾潔）非常孝順，爸爸和胞兄早年先後離世，現只剩路芙兩姊妹及91歲的媽咪。承認「出櫃」的路芙在別人眼中是男人婆、經常談鬼說怪的神婆，但私下卻是虔誠基督徒，亦是母親心目中的乖乖女。
「要見多啲」
路芙日前帶媽咪到西貢嘆茶，再到馬鞍山行公園，曾母撒嬌叫路芙陪她去日本旅行，路芙說：「上年已經話想去日本，不過拖咗一年仲未去。」面對年事已高的母親，路芙忽哽咽：「要見多啲，一星期至少見一日，真係年紀大喇，佢差啲死……」
問到曾母對女兒路芙的評價？她望了望路芙後笑說：「幸福就有呢個，佢成熟，交遊廣闊，又有男士風度，我以你為榮。」路芙DJ上身問媽咪對自己有甚麼不滿，媽咪即說：「有時你講粗口囉！」反而曾母不介意女兒公開承認是同性戀者，她說：「你有你諗法，鍾意女仔唔緊要㗎，你嘅愛唔同㗎嘛！」
爸爸是牧師
路芙前年自爆有拍拖十四年的女友，可是最後分手收場，現在感情狀況，她謂：「單身，好慘！」路芙透露曾帶舊愛見媽咪：「佢唔記得㗎喇，我成日都帶朋友返屋企，男同女都有，佢成日分唔到我啲朋友係男定女。」路芙父親生前是牧師，及至爸爸離世，她才由媽咪口中知道，父母多年來都被教友追問關於她出櫃的事，路芙慨嘆：「我唔想同嗰啲咁stubborn嘅人講，神愛世人。同埋我想佢哋話我之前，諗吓自己係咪冇罪先囉！」曾母在訪問中無意間爆路芙秘密：「如果佢喊就好犀利㗎喇，唔知係唔係失戀。」
採訪：四寶
攝影：沈健程
場地提供：水井坊茶餐廳