唐詩詠連續兩日喺劇集《不懂撒嬌的女人》 中有性感演出，前日呢個工作就交咗俾高海寧，地點同樣係泳池，對像同樣都係大老闆游生(袁文傑飾)。咁當然啦，高ling上水呢幕咁重要，處理手法就隆重好多，仲俾咗個特寫鏡頭佢。
講咗咁多集office點鬥爭，係時候講番啲感情線。呢集「賤Han」黎諾懿佔咗好多戲份，除咗帶白雲返咗去佢同唐詩詠夾份供嗰層私樓，食完飯又唔洗碗攤晒喺廚房，沖涼都要兩個人一齊。至於唐詩詠就叫咗班姊妹上去打牌，又叫咗王浩信兩個男同事返屋企，藉詞裝窗簾，實則就上去搗亂。
搞咁多嘢都趕唔走賤Han，詩詠BB最後就諗住扮同黎諾懿舊情復熾激走白雲，點知衰心軟，俾黎諾懿講咗成龍句經典「我只係犯咗全天下男人都會犯嘅錯」O氹掂，又攬又錫，仲俾黎諾懿摸大髀。最後王浩信睇唔過眼代唐詩詠出面買起黎諾懿半份業權，展開與唐詩詠同居生活。