李斯特城早排炒咗上季帶領球隊勇奪英超嘅領隊雲尼亞里，有傳前鋒占美華迪係有份逼宮嘅球員之一，目前正為英格蘭備戰國際賽嘅華迪接受訪問時，就透露雲帥被炒後，佢收到死亡恐嚇，而自己太太碧琪亦喺社交媒體同公眾地方被針對，仲話自己對呢啲錯誤指控無能為力，只有集中精神踢好波。無風不起浪，華迪有有諗過佢哋兩夫婦點解會被針對呢？