將滿23歲嘅泳將陳健樂（圖），噚日練完水就返屋企換上一件黑色V領連身裙加黑褸，青春無敵，加上其餘泳隊成員要着里奧制服，所以健樂就算落選「最具潛質運動員獎」，都成為最搶鏡泳員。
靚人靚衫：楊子瑩成熟look
有媽咪同行嘅世青金牌得主楊子瑩（圖），着上媽咪為佢準備嘅一襲黑色露臂裙，小妹妹話以前喺一啲晚宴都着過類似嘅裙，獲「傑青」嘅佢今年最大願望係八月亞青賽再為港爭光。
靚人靚衫：伍家朗西裝骨骨
世界排名第10嘅羽毛球一哥伍家朗（圖），今日西裝骨骨，原來喺舊年底首次出戰杜拜年終賽時買，自言愛扮靚嘅家朗舊年歷史性奪香港羽毛球錦標賽男單冠軍，可惜大熱倒灶未獲「八傑」。