美國信安金融集團亞洲區主席歐陽伯權（Rex）今年6月退休，好多人都關心Rex之後有乜搞作，仲會唔會繼續做嶺南大學校董會主席等公職。
雖然舊年嶺大學生圍堵校董會議，搞到Rex被困幾個鐘，但對佢冇做成陰影喎。Rex講到明，就算退咗休，但對社會有意義嘅公職，幾辛苦都會繼續做，亦可能繼續留喺業界擔任顧問，皆因佢係一名工作狂，長期留喺屋企分分鐘有家暴，怕老婆頂佢唔順咁話。
Rex以往被外界標籤為「梁粉」，唔知新特首上任後，佢有冇意思加入政府工作呢？呢份工作仲有意義喎，不過佢就即刻耍手擰頭，話睇完三位候選人兩場辯論後，「政府咁嘅情況都係唔好搞我」！