上輪阿仙奴以1:3敗走西布朗，廠迷以為領隊雲格一定走人，但阿仙奴管理層嘅忍耐力真係勁，據報阿仙奴已經開出兩年約留雲格，雲格仲厚顏到話之前屆屆都帶球隊踢歐聯，就算今年前四不保，同自己去留都冇關係。雲格唔走，盛傳逼宮嘅球員梗冇運行，據報雲格已經準備賣走扭計唔續約嘅阿歷斯山齊士同奧斯爾，取而代之係收購里昂前鋒拿卡錫迪。