廣州恒大上場喺亞冠盃主場燒鬚，補時被川崎前鋒逼和1:1，賽後恒大迷好不滿，批評教練史高拉利用兵一成不變，叫佢下台。恒大近四場得一勝兩和一負。內媒《搜狐體育》話，恒大管理層對「大菲」好失望，估計若果喺四月一號主場對上海上港場中超有乜閃失，分分鐘炒佢魷；篇報道仲話恒大原本諗住今季換帥，只係讓咗納比畀國足先焗用大菲。