三隻馬已經入閘，西環的毒箭準時上弓，瞄準鬍鬚，沒有最黑，只有更黑，即將爆裂的黑材料，會比黑警更黑！拳打腳踢，不會抬埋暗角啦，號召打碎薯片，兩個姓張的同志，二人同行，一心一意，有鬍鬚，無孖張，唔係你死就我亡，西環戾氣，將軍澳都嗅到。
黑材料是施襲第一波，鬍鬚做好坐館準備，以洪拳化解。但愛字頭點會就咁算，曾家門口，大媽準備好了，以胸襲鬚，無以為唔會發生啊！大大張橫額控訴曾鬍子罪名：計錯數！小學生計錯數考第尾都無得做班長，還敢跟考第一那位女同學爭？唔知醜啊！大媽配大喇叭日夜囂鬧，甚至高調在門口放低幾坨大便，富中國特色的特首選舉臭到冤！林鄭陣營趁機譏諷鬍鬚：你有無幫班大媽買廁紙呀？
西環是真西毒，最後一擊，是透過XX日報假裝洩漏消息，指投票當日會場暗佈N個針孔，偷拍每個建制選委。到時，暗票已是不可能的任務。針孔下，闊佬商家富二代全部像道友，投票等住被啪！跪低！