【特稿】
今時今日的選舉戰已由地面擴展到網絡，林鄭月娥早前亦特地開設fb專頁。《蘋果》記者昨在訪問尾段「突襲」林鄭，問她是否明白3個fb術語及文化，林鄭即笑言「我淨係知道我有好多嬲嬲」。
訪問完結前，記者遞給林鄭一張寫有「打卡」、「#HASHTAG」及「FB的五種表情」字樣卡紙，測試因選戰學用fb、並曾在fb專頁提到使用fb「原來唔係好難」的她，是否明白這些網絡文化？林鄭看到卡紙頓時收起笑容，認真細閱紙上字眼，然後苦笑稱「我淨係知道我好多嬲嬲」，「我知道我有3萬幾個followers，咁都幾好喎，作為去接觸到人，佢（fb）真係有佢嘅價值嘅」。
記者追問林鄭是否明白卡紙上字眼，她避而不談，反而其競選辦成員在旁讀出，林鄭最後以「呢啲嘢可以學習嘅，冇乜大不了」打圓場，並指「對行政長官嘅要求應該高啲，唔好問啲咁嘅問題啦」。
■記者呂浩然