澳門賭業猛人、綽號「洗米華」的周焯華笑言自己是澳門古天樂，「我又話返佢係香港周焯華，大家成日咁講」。論年紀，兩位均已過不惑之年。外型相似與否？見仁見智。單單以「黑」而言，則周焯華略勝一籌，不是說膚色，是說臉色。今次《蘋果》請周焯華回應部份網民對他的評價，挑戰他黑臉的極限！
網民1：點解呢啲人士個個都要改個咁Seven的外號？
周焯華：你話洗米華呢個名？你想我回應？超，都唔係我改嘅。
網民2：Seven又點？你夠膽喺佢（周焯華）面前笑佢個朵Seven？
周焯華：唔通佢笑我，我打佢呀？
網民3：洗米華好型，把聲好Man
周焯華：係囉…唔，多謝。
網民4：佢真係以為自己好X有型
周焯華：見仁見智啦，你叫佢出嚟睇吓？
網民5：洗米華係演員咩？有關佢嘅新聞應該擺喺A1！
周焯華：係囉，蘋果，擺呀笨。
網民6：睇嚟有錢真係可以任性
周焯華：唔係，我覺得我冇錢嗰時都……幾任性。