耀才（1428）嘅「耀才教學專車」星期六喺銅鑼灣揭幕，據講有近百人圍觀，主席葉茂林當日四萬咁口，不過除咗已離職嘅郭sir無影，以往公開活動例牌被大班靚女主播圍住合照嘅情境亦都不再，但正如CEO許繹彬（Edmond）之前所講，公司仲有唔少靚女同事，果然當日就有一位年輕女管理層出場嘞。
當日傍住葉茂林影大合照嘅唯一女士，原來就係只得33歲嘅年輕女財務總監（CFO）李韻媚，據年報講，李韻媚係2010年初加入耀才做助理財務監督，九個月後已經升咗做CFO，有10年會計經驗，之前曾經係羅兵咸做過。
至於自舊去底幾位女主播離職後，𠵱家耀才財經台只剩低三位女主播，發言人話，主播們喺星期六都有出現趁熱鬧，只係無同葉茂林影合照箒。