大年初三（30日）賀歲馬除咗兩場分級賽有多匹明星馬列陣之外，其實仲有一場二班直路1000米嘅排頭都唔嘢小，可以話三強鼎立，包括於同程分別取得四捷或三捷的「歷險家」、「朋友仔」及「鄉村輝煌」，單係呢班路程專家已經夠晒星光熠熠。
其中「歷險家」的今場勝出機會相信於牠們之上。其實「歷險家」同「鄉村輝煌」係老對手，今季已經兩度碰頭。當中前駒兩仗都跑贏「鄉村輝煌」，並取得冠亞各一，實力可見一斑。
徐雨石安排「歷險家」由今季未開齋的李寶利操刀，鞍上人戰意唔使懷疑，再加上抽得跑直路賽有利的14檔，反而「朋友仔」卻抽到相對不利的2檔，「歷險家」可望交出今季第三捷。