港島名校皇仁書院（QC）今年第5年參加維園年宵，邀請到唔少old boy到場主持揭幕，好似立法會議員胡志偉及梁繼昌，仲有平時比較少喺非體育活動場合亮相嘅體育專員楊德強 。
原來楊德強1980年喺皇仁畢業，佢話當年同唔少同學日日去維園踢波打籃球，估唔到𠵱家皇仁仔，仲喺維園搞埋年宵。楊德強仲喺現場即席揮毫寫咗個福字，又同成班師兄弟大唱校歌，場面忽然好青春。
之但係今次施政報告，特首梁振英向體育界開刀，打算收番唔少皇仁仔都喺嗰度參加過陸運會嘅灣仔運動場喎，楊德強話自己以前都喺灣仔場比過賽，留低過汗水，而任何發展都會經過研究諮詢，有決定會同大家傾清楚，叫大家唔使擔心喎。