噚日係特許公認會計師公會（ACCA）公益關愛日，除咗活動常客署理政務司司長張建宗，發展局局長陳茂波亦有出席，仲有幾屆ACCA會長同佢一齊上台同小朋友打鼓，點解敲鑼打鼓咁高興？皆因佢係呢個活動嘅發起人！
唔講唔知，ACCA公益關愛日舉行咗廿年，第一屆搞手正是陳茂波。
話說1997年佢擔任ACCA香港分會會長，佢話當時正值回歸，唔少外籍人士離開香港，圓桌會搞開嘅人力車公益籌款活動亦因此停辦。有見及此，佢建議利用ACCA周年舞會嘅費用延續呢項活動，同時加設攤位遊戲讓民同樂。
佢笑言，當年只籌到十幾萬元幾大把，時至今日，今屆籌款已達到140萬元，歷屆籌款額累計超過1,800萬元，都真係唔少。
其實，佢係咪兜圈讚自己呢？